Millimiz Rumıniyanı məğlub etdi

Bolqarıstanın Samokov şəhərində qadın basketbolçular arasında U-20 Avropa çempionatının B divizionunda 9-14-cü yerlər uğrunda növbəti oyun keçirilib.

QELEBE.AZ xəbər verir ki, Azərbaycan millisi Rumıniya yığması ilə üz-üzə gəlib.

Görüş yığmamızın 64:50 hesablı qələbəsi ilə başa çatıb.

Millimiz turnirdə son oyununu iyulun 12-də Bakı vaxtı ilə saat 19:00-da İsveçrə seçməsinə qarşı keçirəcək.

Qeyd edək ki, Azərbaycan yığması İsveçrə üzərində qələbə qazanacağı təqdirdə, U-20 Avropa çempionatının B divizionunu 10-cu pillədə başa vuracaq.