DÇ-2026: Argentina millisi 1/4 final mərhələsinə yüksəlib

2026-cı il dünya çempionatında 1/8 final mərhələsinin oyunları davam edir.

Apasport.az xəbər verir ki, pley-offun növbəti qarşılaşmasında Argentina və Misir milliləri üz-üzə gəliblər.

Görüş Bakı vaxtı ilə saat 20:00-da start götürüb.

Oyunda hesabı Misir millisi açıb. Yasser İbrahim topu başla qapıdan keçirib: 1:0.

İkinci hissədə təzyiqi artıran Argentina millisi əks-hücum zamanı qapısında 2-ci qolu görüb. Bu dəfə Mostafa Ziko fərqlənib.

Son dünya çempionları 79-cu dəqiqədə hesab arasındakı fərqi azaldıb. Romero başla dəqiq oynayıb: 2:1.

83-cü dəqiqədə cənubi amerikalılar hesabı bərabərləşdirib. Səhnəyə Argentinanın super ulduzu Leo Messi çıxıb: 2:2.

90+2-ci dəqiqədə Argentina daha bir qol vurub. Lautaro Martinezin ötürməsindən sonra Enzo Fernandez topu başla qapıdan keçirib: 3:2.

Matç bu hesabla başa çatıb və Argentina millisi 0:2-dən geridönüş edərək adını 1/4 final mərhələsinə yazdırıb.

Qeyd edək ki, oyunun qalibi 1/4 finalda İsveçrə - Kolumbiya cütünün qalibi ilə qarşılaşacaq.

DÇ-2026
1/8 final
7 iyul
20:00. Argentina – Misir 3:2

Qol: Yasser İbrahim, 15, M. Ziko, 67, K. Romero, 79, L. Messi, 83, E. Fernandez, 90+2

Argentina: Emiliano Martines, Molina, Kristian Romero, Lisandro Martines, Talyafiko, De Paul, Mak Allister, Paredes, Enso Fernandes, Messi, Xulian Alvares

Misir: Şobeyr, Hafez, Rabiya, İbrahim, Hani, Həsən, Laşin, Attia, Aşur, Zizo, Salah