DÇ-2026: Argentina Kabo-Verdeni çətinliklə məğlub edərək 1/8 finala çıxıb - YENİLƏNİB

2026-cı il dünya çempionatında 1/16 final mərhələsinin oyunları davam edir.

QELEBE.AZ xəbər verir ki, pley-offun növbəti qarşılaşmasında mundialın son qalibi Argentina turnirin debütantı Kabo-Verde millisi ilə üz-üzə gəlib.

Görüş Bakı vaxtı ilə saat 02:00-da start götürüb.

Matçda hesab 29-cu dəqiqədə açılıb. Argentinanın ulduzu Messi komandasını önə keçirib: 1:0. İlk hissədə başqa qol vurulmayıb.

İkinci hissədə Kabo-Verde hesabı bərabərləşdirməyi bacarıb. 59-cu dəqiqədə Deroy Duarte fərqlənib.

90 dəqiqə ərzində bərabərlik pozulmayıb və görüş əlavə vaxta gedib.

Artırılan ilk hissədə Argentina hesabda önə keçib. 92-ci dəqiqədə Lisandro Martinez topu Vozinyanın qoruduğu qapıdan keçirib.

103-cü dəqiqədə Kabo-Verde yenidən hesabı bərabərləşdirib. "Trabzonspor"lu Lopes Kabral mükəmməl qolla hesabı 2:2 edib. 111-ci dəqiqədə cənubi amerikalılar 3-cü qolu vurub. Messinin ötürməsindən sonra Romero hesabı 3:2 edib.

Matç bu hesabla başa çatıb və Argentina adını növbəti mərhələyə yazdırıb.

Qeyd edək ki, Argentina 1/8 finalda Misir millisi ilə qarşılaşacaq.

DÇ-2026
1/16 final
4 iyul
02:00. Argentina – Kabo-Verde 3:2

Qol: L. Messi, 29, D. Duarte, 59, L. Martinez, 92, Kabral, 103, Romero, 111

Argentina: Martines, Molina, Romero, Lisandro Martines, Medina, De Paul, Mak Allister, Enzo Fernandes, Almada, Messi, Lautaro Martines

Kabo-Verde: Vozinya, Lopes Kabral, Borjes, Lopes, Moreyra, Lenini, Kabral, Duarte, Duarte, Mendeş, Da Koşta