Türkiyə Super Liqası: “Fənərbaxça” öz meydanında çətin qələbə qazanıb

Türkiyə Super Liqasında XXV turun oyunları davam edir.

Apasport.az xəbər verir ki, günün son matçı İstanbulda baş tutub.

“Fənərbaxça” öz meydanında “Samsunspor”u qəbul edib. Gərgin keçən görüşün ilk hissəsi qonaqların 2:1 hesablı üstünlüyü ilə yekunlaşıb. Fasilədən sonra hücumlarının sayını artıran “sarı-lacivərdlilər” Dorgeles Nene və Sidiki Şerifin vurduğu qollar sayəsində 3:2 hesablı qələbə qazanıb.

Qeyd edək ki, turnir cədvəlinə 61 xalla “Qalatasaray” başçılıq edir. Aktivində 57 xal olan “Fənərbaxça” ikinci, 51 xala malik “Trabzonspor” isə ilk üçlüyü tamamlayır.