ÇL finalında geyindiyi formanı hərraca çıxardı

"Çelsi"nin sabiq futbolçusu Con Terri 2008-ci ildə Çempionlar Liqasının finalında geyindiyi formanı hərraca çıxarıb.

Apasport.az xəbər verir ki, bu barədə goal.com məlumat yayıb.

Sözügedən görüşdə "Çelsi" "Mançester Yunayted"lə qarşılaşıb. Oyunda "zadəganlar" "qırmızı şeytanlar"a penaltilər seriyasında uduzaraq 2-ci yeri tutublar.

45 yaşlı keçmiş müdafiəçi isə həmin formanı satmaq qərarına gəlib.

Qeyd edək ki, Con Terri 1998-2017-ci illərdə "Çelsi"nin formasını geyinib. O, 2003-2012-ci illərdə İngiltərə millisinin üzvü olub.