Fənərbaxça klubunun prezidenti yenidən saxlanılıb

İstanbul Prokurorluğu tərəfindən aparılan narkotik araşdırması çərçivəsində Fənərbaxça Futbol Klubunun prezidenti Sadettin Saran saxlanılıb.

APA-nın Türkiyə bürosu yerli xəbər verir ki, bu barərə İstanbul Prokurorluğu məlumat yayıb.

Məlumatda bildirilir ki, Sadettin Saran, barəsində aparılan istintaq çərçivəsində əldə edilən əlavə sübutlara əsasən, ona aid edilən narkotik maddənin təmin edilməsi, narkotik istifadəsini asanlaşdırma və narkotik istifadə etmə cinayətləri ilə əlaqədar İstanbul Jandarmeriyası tərəfindən saxlanılıb.

Fənərbaxça klubu Saranın saxlanılması ilə bağlı açıqlama yayıb.Bildirilib ki, klubun prezidenti davam edən istintaq çərçivəsində bu axşam İstanbul Jandarmeriyası tərəfindən FK-nun ofisində saxlanılıb. Açıqlamada istintaqın davam etdiyi, prosesin hüquq dövləti prinsipləri çərçivəsində aparıldığı və klub fəaliyyətinin fasiləsiz davam edəcəyi qeyd olunub.