Türkiyə millisi dünya çempionatında 1/8 finala yüksəlib

Qadın voleybolçulardan ibarət Türkiyə millisi dünya çempionatında növbəti oyununu keçirib.

Apasport.az xəbər verir ki, "ay-ulduzlular" E qrupundakı ikinci matçında Bolqarıstan seçməsi ilə qarşılaşıb.

Qardaş ölkə təmsilçisi rəqibinə 3:0 hesabı ilə qalib gəlib. İlk turda İspaniyanı da eyni hesabla məğlub edən Türkiyə yığması xallarının sayını 6-ya çatdıraraq, 1/8 finala vəsiqəni vaxtından əvvəl təmin edib.

Qeyd edək ki, Türkiyə millisi qrupda son görüşünü Kanadaya qarşı keçirəcək.