Supermarketdən oğurluq edən futbolçunun müqaviləsinə xitam verilib

İrlandiyanın "Kerri" futbol klubu yerli supermarketdən birindən oğurluq etdiyi iddia edilən zimbabveli müdafiəçisi Şeyn Marudza ilə yollarını ayırıb.

"Report" "Pundit Arena" portalına istinadən xəbər verir ki, futbolçu ilə iyulun 25-də sözləşmə imzalanıb, bundan 4 gün sonra isə müqaviləyə xitam verilib.

Komanda Marudza ilə yanaşı, qapıçı Matias Randriamami ilə də vidalaşıb.

"Təəssüf ki, prinsipləri klubun standartlarına uyğun gəlmir", - "Kerri"nin mətbuat xidmətinin bəyanatında deyilir.