Almaniya klubu məşqçilər heyətini istefaya göndərib
https://mail.qelebe.az//uploads/photo/almaniya-klubu-meshqchiler-heyetini-istefaya-gonderib.webp
Almaniyanın "Leyptsiq" klubu baş məşqçi Domeniko Tedesko ilə yollarını ayırıb.
"Report" klubun rəsmi saytına istinadən xəbər verir ki, 36 yaşlı mütəxəssislə birlikdə onun köməkçiləri Andreas Hinkel və Maks Urvançik yola salınıb.
Səbəb "Leyptsiq"in dünən UEFA Çempionlar Liqasının qrup mərhələsinin ilk turunda öz meydanında Ukraynanın "Şaxtyor" klubuna 1:4 hesabı ilə uduzmasıdır. Bundan əvvəl isə komanda Bundesliqada "Ayntraxt"a məğlub olub - 0:4.
Qeyd edək ki, Domeniko Tedesko 2021-ci ilin dekabrından Almaniya klubunun baş məşqçisi idi.
