"Kəpəz"in baş məşqçisi: "Ürəyimiz istəyən kimi çıxış edə bilmədik"

Ürəyimiz istəyən kimi çıxış edə bilmədik.

"Report" xəbər verir ki, bunu "Kəpəz"in baş məşqçisi Azər Bağırov Misli Premyer Liqasının XXXV turunun "Qarabağ"la oyunundan sonra baş tutan mətbuat konfransında deyib.

O, Ağdam təmsilçisini qələbə münasibəti ilə təbrik edib:

"İnanırıq ki, gələcəkdə komandaların büdcələri daha da artacaq və maraqlı rəqabətin şahidi olacağıq. Bu gün ürəyimiz istəyən kimi çıxış edə bilmədik. Çünki ehtiyat heyətimiz kasaddır. Əlimizdən gələni etdik. Rəqibi qələbə münasibəti ilə təbrik edirəm".

Qeyd edək ki, XXXV turda "Qarabağ" doğma meydanda "Kəpəz"ə 3:0 hesabı ilə qalib gəlib.