Azərbaycanda danışılmış oyunlarda iştirak etmiş futbolçunun şikayətinə baxılması təxirə salınıb
https://mail.qelebe.az//uploads/photo/azerbaycanda-danishilmish-oyunlarda-ishtirak-etmish-futbolchunun-shikayetine-baxilmasi-texire-salinib.webp
Danışılmış oyunlarda iştirak etmiş "Mingəçevir"in sabiq futbolçusu Muxtar Nəzərlinin apellyasiya şikayətinə baxılması təxirə salınıb.
"QELEBE.AZ" AFFA-nın rəsmi saytına istinadən xəbər verir ki, bunu qurumun Apellyasiya Arbitraj Tribunalı açıqlayıb.
Bildirilib ki, oyunçu tərəfindən verilən apellyasiya şikayətinə baxılması Azərbaycan Respublikasının Baş Prokurorluğuna sorğu göndərilməsi ilə əlaqədar olaraq təxirə salınıb.
Qeyd edək ki, AFFA İntizam Komitəsi yanvarın 30-da Muxtar Nəzərlini futbol ilə əlaqədar hər hansı fəaliyyətlə məşğul olmaq hüququndan ömürlük məhrum edib.
