"Bavariya" cari mövsümün sonunda fransalı futbolçusu ilə vidalaşacaq

Almaniya təmsilçisi "Bavariya"nın futbolçusu Saşa Boe cari mövsümün sonunda komandadan göndəriləcək.

"Report" "Sky"a istinadən xəbər verir ki, məşqçilər korpusu 24 yaşlı müdafiəçinin xidmətində maraqlı deyil.

Onun müqaviləsinin müddəti 2028-ci ilə kimi nəzərdə tutulsa da, sözləşməsinə xitam verilə bilər.

Qeyd edək ki, fransalı futbolçu cari mövsüm münhenlilərin heyətində 13 oyuna çıxıb. S.Boe 2021-2024-cü illər aralığında Türkiyənin "Qalatasaray" klubunda forma geyinib.