"Bavariya"nın əsas hücumçusu bir neçə gün məşqlərə qatıla bilməyəcək

Almaniyanın "Bavariya" klubunun futbolçusu Harri Keyn bir neçə gün məşqlərə qatıla bilməyəcək.

"Report" xəbər verir ki, bu barədə Münhen təmsilçisinin mətbuat xidməti məlumat yayıb.

Evdə Şotlandiyanın "Seltik" klubu ilə heç-heçə (1:1) etdikləri Çempionlar Liqasının pley-off mərhələsinin cavab oyunundan əvvəl ingiltərəli hücumçunun baldır əzələsində problem aşkarlanıb. O, bu səbəbdən qarşılaşmanın fasiləsində əvəzlənib.

31 yaşı forvard fevralın 23-də "Ayntraxt"a qarşı Bundesliqanın XXIII turunun matçını buraxa bilər.

Qeyd edək ki, Harri Keyn cari mövsüm "Bavariya"da 31 matçda 29 qola imza atıb.