Cüdo məşqçiliyi üzrə təhsil alan tələbələr üçün tədrislər davam edir

Azərbaycan Cüdo Federasiyası, Azərbaycan İdman Akademiyası və Böyük Britaniyanın Hertfordşir Universiteti arasında bağlanmış Anlaşma Memorandumuna əsasən, cüdo məşqçiliyi üzrə təhsil alan 2-ci kurs tələbələri üçün tədris xarici ekspertlərin iştirakı ilə davam edir.

"QELEBE.AZ" xəbər verir ki, tədris prosesinə Hertfordşir Universitetinin professoru Dr. Mayk Kallan və yerli, eləcə də xarici ekspertlər cəlb olunub.

Praktiki dərsləri xarici mütəxəsis Avropa Cüdo Birliyinin təhsil komissiyasının üzvü və Olimpiya mükafatçısı Nuno Delqado, yerli mütəxəssislər Beynəlxalq Cüdo Federasiyasının Akademiyasının eksperti Rüstəm Orucov, dünya və Avropa çempionatlarının mükafatçısı Orxan Səfərov, məşqçi Samir İsmayılov keçirib.