Azərbaycan millisinin futbolçusu: "Özümü Rusiyanın başqa klubunda sınamaq istədim"
https://mail.qelebe.az//uploads/photo/azerbaycan-millisinin-futbolchusu-ozumu-rusiyanin-bashqa-klubunda-sinamaq-istedim.webp
Özümü Rusiyanın başqa klubunda sınamaq istədim.
Bunu "Report"a açıqlamasında Azərbaycan millisinin futbolçusu Alina Dorofeyeva Rusiyanın "Rubin" komandasına keçidi haqqında danışarkən deyib.
O, yeni komandasında uyğunlaşma prosesi keçdiyini bildirib:
"Hələlik yeni komandama uyğunlaşıram. Məni burada yaxşı qarşıladılar. Qarşımızda görüləcək çox iş var. Müqavilənin müddəti bitdikdən sonra "Yenisey"dən ayrıldım. Özümü Rusiyanın başqa klubunda sınamaq istədim".
26 yaşlı yığma üzvü komandaya yeni baş məşqçi gələcəyini deyib:
"Rubin"ə güclü oyunçular və yeni baş məşqçi gələcək. Turnir cədvəlində mümkün qədər yuxarı qalxacağımıza ümid edirik. Rusiya çempionatının səviyyəsi hər il artır".
Qeyd edək ki, "Rubin" Rusiya Superliqasında 2024 mövsümünü 8 xalla turnir cədvəlinin sonuncu - 13-cü pilləsində bitirib.
