"Mançester Siti" beş futbolçudan ibarət transfer siyahısı tərtib edib

İngiltərənin "Mançester Siti" klubu son vaxtlar göstərdiyi uğursuz nəticələri dəyişmək üçün 5 futbolçudan ibarət qısa transfer siyahısı tərtib edib.

"QELEBE.AZ"un "The Times"ə istinadən məlumatına görə, siyahıda İspaniyanın "Real Sosyedad" klubundan Martin Subimendi, İngiltərə təmsilçisi "Nyukasl"dan Brunu Gimaraynş, həmçinin Almaniya komandaları "Bavariya"dan Camal Musiala və "Bayer 04"dən Florian Virts yer alıb.

Baş məşqçi Xosep Qvardiola müdafiə xəttinin gücləndirilməsi variantlarından biri kimi "Kristal Pelas"dan Mark Qehiyə maraq göstərir.

Qeyd edək ki, Mançester komandası hazırda Premyer Liqanın turnir cədvəlində 28 xalla 7-ci pillədə qərarlaşıb.