"Neftçi" ilə oyunda zədələnən "Qarabağ"ın legioneri MRT müayinəsindən keçəcək

Misli Premyer Liqasının XV turunda "Neftçi" ilə oyunda zədələnən "Qarabağ"ın futbolçusu Julio Romao Maqnit Rezonans Tomoqrafiya (MRT) müayinəsindən keçəcək.

Bu barədə "Report"a Ağdam təmsilçisinin mətbuat xidmətinin rəhbəri Anar Hacıyev məlumat verib.

Onun sözlərinə görə, yarımmüdafiəçinin ayağındakı şiş hələlik çəkilməyib.

Braziliyalı oyunçunun bu səbəbdən sabah MRT müayinəsindən keçəcəyi gözlənilir.

Qeyd edək ki, Julio Romao Azərbaycan derbisinin ilk hissəsindən sonra əvəzlənib. "Qarabağ" səfərdə "Neftçi"ni üç cavabsız qolla üstələyib.