Azərbaycan millisi Avropa çempionatının seçmə mərhələsində İrlandiya ilə qarşılaşacaq

Azərbaycanın 19 yaşadək futbolçulardan ibarət millisi Avropa çempionatının seçmə mərhələsində yer aldığı VII qrupda bu gün İrlandiya ilə qarşılaşacaq.

"Report"un məlumatına görə, Moldovanın paytaxtı Kişinyovdakı “Zimbru-2” stadionunda təşkil olunacaq oyunu serbiyalı baş hakim idarə edəcək.

Görüş Bakı vaxtı ilə saat 14:00-da başlayacaq.

Avropa çempionatının seçmə mərhələsi

VII qrup

16 noyabr

14:00. İrlandiya - Azərbaycan

Baş hakim: Miloş Milanoviç (Serbiya).

Kişinyov, "Zimbru-2" stadionu.

Qeyd edək ki, Elxan Abdullayevin baş məşqçisi olduğu komanda ilk görüşdə İslandiyaya 0:2 hesabı ilə məğlub olub.