Keniyalı atlet Çepngetiç marafonda dünya rekordu vurub
https://mail.qelebe.az//uploads/photo/keniyali-atlet-chepngetich-marafonda-dunya-rekordu-vurub.webp
Keniyalı yüngül atlet Rut Çepngetiç Çikaqo Marafonunun qalibi olub və yeni dünya rekorduna imza atıb.
“Report” xəbər verir ki, idmançı məsafəni 2 saat 9 dəqiqə 57 saniyəyə qət edib.
Əvvəlki rekord Efiopiya təmsilçisi Tiqist Assefeyə məxsus idi (2 saat 11 dəqiqə 52 saniyə), o, bu rekorda 2023-cü ildə Berlin Marafonunda imza atmışdı.
Çikaqo Marafonunda ikinci yeri efiopiyalı Sutume Kebede (7 dəqiqə 36 saniyə geridə), üçüncü yeri isə keniyalı İrin Çeptai (+7.56) tutub.
