"Qarabağ"ın hücumçusu: "Bütün azarkeşlərimiz, Azərbaycan xalqı bizdən qələbə gözləyir"

Bütün azarkeşlərimiz, Azərbaycan xalqı bizdən qələbə gözləyir.

"Report" xəbər verir ki, bunu "Qarabağ"ın hücumçusu Juninyo İsveç təmsilçisi "Malmö"yə qarşı keçirəcəkləri UEFA Avropa Liqasının Liqa mərhələsinin II turunun oyunundan öncə baş tutan mətbuat konfransında deyib.

O, sabahkı oyunda qələbə qazanmaq istədiklərini bildirib:

"Çox önəmli oyundur. Bütün azarkeşlərimiz, Azərbaycan xalqı bizdən qələbə gözləyir. İnanırıq ki, ümidləri doğruldacağıq. Son 3 oyunda qol vura bilmirəm. Məşqlərdə əzmlə çalışıram ki, daha məhsuldar olum".

Qeyd edək ki, “Qarabağ” – “Malmö” görüşü oktyabrın 3-də, saat 20:45-də Tofiq Bəhramov adına Respublika stadionunda baş tutacaq.