"Dinamo"nun futbolçusu: Bəlkə də "Qarabağ"la ilk oyunda qeydə alınan nəticə real deyil

Bəlkə də ilk oyunda qeydə alınan nəticə real deyil.

"QELEBE.AZ" "İndex.hr" nəşrinə istinadən xəbər verir ki, bunu Xorvatiyanın "Dinamo" (Zaqreb) klubunun futbolçusu Martin Baturina "Qarabağ"a qarşı keçirəcəkləri Çempionlar Liqasının pley-off mərhələsinin cavab matçından əvvəl deyib.

Bakıya səfər zamanı jurnalistlərə açıqlama verən 21 yaşlı yarımmüdafiəçi Azərbaycan təmsilçisinin çox yaxşı komanda olduğunu bildirib:

"İlk qarşılaşmada yaratdığımız vəziyyətlərdən istifadə etdik. Buna görə şadam. Mən də qol vura bilərdim. Biz yalnız qalib gəlmək haqqında düşünürük".

Qeyd edək ki, avqustun 20-də Zaqrebdəki "Maksimir" stadionunda baş tutan "Dinamo" - "Qarabağ" matçı meydan sahiblərinin 3:0 hesablı qələbəsi ilə yekunlaşıb. Tərəflər arasında cavab görüşü avqustun 28-də, saat 20:45-də baş tutacaq.