Konfrans Liqası: "Zirə"nin rəqibini "Dalğa Arena"da 50 azarkeş dəstəkləyəcək

UEFA Konfrans Liqasının II təsnifat mərhələsində bu gün “Zirə” ilə qarşılaşacaq Slovakiyanın “DAK 1904” klubu “Dalğa Arena”da dəstəksiz qalmayacaq.

Bunu “Report”a açıqlamasında “Zirə”nin mətbuat katibi Elmar Abdullazadə deyib.

Klub rəsmisi Slovakiya klubunun Bakıya azarkeş və jurnalistlərlə səfər etdiyini söyləyib:

“Özləri ilə 50-yə yaxın azarkeş gətiriblər. Əlavə 5-6 nəfər də jurnalist olmalıdır”.

Qeyd edək ki, "Zirə" - "DAK 1904" görüşü bu gün, saat 20:30-da start götürəcək.