İsgəndər Cavadov: “Qarabağ”dan yüksək səviyyədə çıxış gözləyirəm

“Qarabağ”dan həmişəki kimi yüksək səviyyədə çıxış gözləyirəm.

Bunu “QELEBE.AZ”a açıqlamasında "Neftçi"nin veteran futbolçusu İsgəndər Cavadov deyib.

67 yaşlı mütəxəssis UEFA Çempionlar Liqasının II təsnifat mərhələsində səfərdə Cəbəllütariqin “Linkoln” komandası ilə qarşılşacaq Ağdam təmsilçisinin şanslarını dəyərləndirib:

“Onlara uğurlar arzulayıram. Hər şey özlərindən asılıdır. Keçən il çox yaxşı oynadılar. Bu oyun üçün də hazırlıq keçiblər. İlk qarşılaşmadır. “Qarabağ”ın bu mərhələni keçəcəyinə inanıram”.

Qeyd edək ki, “Linkoln” - “Qarabağ” görüşü bu gün, Bakı vaxtı ilə saat 20:00-da başlayacaq.