Rəşad Sadıqov: “Şerif”ə məğlubiyyət böyüməyimizə imkan yaradacaq

“Şerif”lə məğlubiyyət böyüməyimizə imkan yaradacaq.

"Report" xəbər verir ki, bunu "Zirə"nin baş məşqçisi Rəşad Sadıqov UEFA Avropa Liqasının I təsnifat mərhələsinin "Şerif"lə (Moldova) cavab oyunundan sonra keçirilən mətbuat konfransında deyib.

42 yaşlı mütəxəssis 1:2 hesabı ilə məğlub olduqları görüşü şərh edib:

"Belə görüşdən sonra oyunu şərh etmək çox çətindir. Matç boyunca üstün olan tərəf idik. Rəqibin nadir hücumlarının qarşısını almağa çalışırdıq. Təəssüf ki, alınmadı. Qırmızı vərəqə görüşə təsir etdi. Ara-sıra əks-hücumlara çıxırdıq, futbolçularım layiqli mübarizə apardılar. Nəticəyə görə məyusuq. Lakin bu məğlubiyyət böyüməyimizə imkan yaradacaq. Təbii ki, düzgün təhlillər aparsaq”.

Qeyd edək ki, UEFA Avropa Liqasında "Şerif"ə penaltilər seriyasında məğlub olan (4:5) "Zirə" mübarizəni Konfrans Liqasında davam etdirəcək.