Azərbaycan badmintonu tarixində ilk dəfə Federasiya Kuboku keçirilib
https://mail.qelebe.az//uploads/photo/azerbaycan-badmintonu-tarixinde-ilk-defe-federasiya-kuboku-kechirilib.webp
Azərbaycan badmintonu tarixində ilk dəfə Airbadminton üzrə Federasiya Kuboku keçirilib.
"QELEBE.AZ" Badminton Federasiyasının mətbuat xidmətinə istinadən xəbər verir ki, Dünya Badminton Federasiyası, Gənclər və İdman Nazirliyi və Azərbaycan Badminton Federasiyasının birgə təşkilatçılığı ilə 3-4 iyulda qarışıq qoşa kateqoriyası üzrə açıq havada Airbadminton yarışı təşkil olunub.
Bakı Avropa Oyunları Parkında keçirilən yarışın qalibi Cahid Əlhəsənov-Həcər Nuriyeva tandemi olub. Rəvan Niftəliyev-Nigar Səmədova qoşası ikinci, Teymur Abbasov-Zülfiyyə Abbasova ilə Əli Gözəlov və Fatimə Həsənzadə isə bürünc medala layiq görülüb.
5 iyul Ümumdünya Badminton Gününə həsr olunan Federasiya Kubokunun qalibləri diplom medal və hədiyyələrlə təltif ediliblər.
