AVRO-2024: Bu gün son iki 1/4 finalçının adına aydınlıq gələcək
https://mail.qelebe.az//uploads/photo/avro-2024-bu-gun-son-iki-14-finalchinin-adina-aydinliq-gelecek.webp
Almaniyada təşkil olunan futbol üzrə Avropa çempionatında bu gün 1/8 final oyunlarına yekun vurulacaq.
"QELEBE.AZ" xəbər verir ki, baş tutacaq iki qarşılaşmadan sonra 1/4 final mərhələsinin bütün iştirakçılarının adına aydınlıq gələcək.
Günün ilk matçında E qrupunu lider tamamlayan Rumıniya ilə D qrupunun üçüncüsü Niderland millisi qarşılaşacaq. Görüş Münhendəki "Alyans Arena"da keçiriləcək.
Digər qarşılaşmada isə D qrupunu ilk sırada başa vuran Avstriya və F qrupunda ikinci pilləni tutan Türkiyə yığmaları münasibətlərinə aydınlıq gətirəcəklər. Oyun Leyptsiq şəhərindəki "Red Bull Arena"da reallaşacaq.
AVRO-2024
1/8 final
2 iyul
20:00. Rumıniya - Niderland
Baş hakim: Feliks Şvayer (Almaniya).
Münhen, "Alyans Arena".
23:00. Avstriya - Türkiyə
Baş hakim: Artur Diaş (Portuqaliya).
Leyptsiq, "Red Bull Arena".
