Azərbaycan idmançısı Avropa çempionatında gümüş medal qazanması barədə danışıb

Bolqarıstanda keçirilən yeniyetmə cüdoçular arasında Avropa çempionatının gümüş medalını qazanan Azərbaycan idmançısı Sübhan Axundov yarışla bağlı təəssuratlarını bölüşüb.

"Report"un Sofiyaya ezam olunan əməkdaşına açıqlama verən + 90 kq çəkidə çıxış edən cüdoçu, yarışa ciddi hazırlaşdıqlarını söyləyib.

"Yarışa ciddi hazırlaşmışdıq. Məqsədim çempion olmaq idi. Təəssüf ki, alınmadı. Rəqibimə taktiki cəhətdən məğlub oldum. İnşallah, gələcək yarışlarda qızıl medal qazanmağa çalışacağam" - deyə o bildirib.

Qeyd edək ki, Azərbaycanın yeniyetmə cüdoçuları Bolqarıstanda keçirilən Avropa çempionatını fərdi yarışlara əsasən 4 medalla başa vurub. Oğlanlardan ibarət yığma medal sıralamasında ikinci olub.