AVRO-2024: 36 oyuna 20 dəfə VAR müdaxiləsi olub

Almaniyada keçirilən Avropa çempionatının qrup mərhələsinin 36 oyununa VAR 20 dəfə müdaxilə edib və eyni sayda hakim səhvləri düzəldilib.

"Report" xarici KİV-ə istinadən xəbər verir ki, videohakimlərin müdaxiləsindən sonra görüşün baş hakimləri 8 dəfə monitora yaxınlaşaraq epizodun təkrarını izləyiblər.

Nəticədə 2 qol ləğv edilib, 1 qol hesaba alınıb və 5 penalti təyin olunub.

Qeyd edək ki, AVRO-2020-də baş tutan 51 matça VAR 17 dəfə müdaxilə etmişdi.