İtaliya millisinin futbolçusu AVRO-2024-dən kənarda qala bilər

İtaliya millisinin üzvü Nikolo Zaniolo Avropa çempionatında iştirak etməyə bilər.

"Report" "Corriere dello Sport"a istinadən xəbər verir ki, 24 yaşlı yarımmüdafiəçinin ayağında zədə aşkarlanıb.

Müqavilə əsasında Türkiyə təmsilçisi "Qalatasaray"a məxsus olan, icarə əsasında İngiltərənin "Aston Villa" komandasında çıxış edən futbolçu 2 aya yaxın yaşıl meydanlardan uzaq qalacaq.

Qeyd edək ki, AVRO-2024 iyunun 14-dən iyulun 14-dək Almaniyada keçiriləcək