"Real"ın müdafiəçisi karyerasını Almaniya çempionatında davam etdirə bilər

İspaniyanın "Real" klubunun müdafiəçisi Rafa Marin karyerasını Almaniya çempionatında davam etdirə bilər.

"QELEBE.AZ" "Todofichajes" nəşrinə istinadən xəbər verir ki, 21 yaşlı futbolçu ilə "Bayer 04" maraqlanır.

Leverkuzen təmsilçisinin baş məşqçisi Xabi Alonso şəxsən onun transferində maraqlıdır.

Marin hazırda icarə əsasında "Alaves"də çıxış edir. O, bu mövsüm bütün turnirlərdə 31 oyun keçirib.

Qeyd edək ki, "Bayer 04" bu mövsüm vaxtından əvvəl Almaniya çempionu olub.