Azərbaycan Basketbol Liqası: "Sabah" vahid lideri olub, "Sumqayıt" ın pley-off şansı bitib
https://mail.qelebe.az//uploads/photo/azerbaycan-basketbol-liqasi-sabah-vahid-lideri-olub-sumqayit-in-pley-off-shansi-bitib.webp
Sumqayıt Olimpiya İdman Kompleksində Azərbaycan Basketbol Liqasının 17-ci turunun üçüncü oyunu baş tutub.
"QELEBE.AZ" xəbər verir ki, pley-off uğrunda mübarizə aparan "Sumqayıt" çempionatın liderlərindən sayılan "Sabah" ilə qarşılaşıb.
Oyun "Sabah" ın 93:73 hesablı qələbəsi ilə yekunlaşıb. Bu qələbədən sonra "Sabah" turnir cədvəlində vahid lider olub. "Sumqayıt" isə pley-off şanslarını itirib və "Sərhədçi" klublunun pley-offa vəsiqə qazanması rəsmiləşib.
Ən məhsuldar basketbolçular "Sumqayıt"dan Lenard Dikson (28 xal, 7 ribaund), "Sabah"dan Dezmond Kembric (23 xal, 8 ribaund) olublar.
