PSJ Birinci Liqada Mbappenin het-triki sayəsində “Montpelye”ni darmadağın edib
https://mail.qelebe.az//uploads/photo/psj-birinci-liqada-mbappenin-het-triki-sayesinde-montpelyeni-darmadagin-edib.webp
Fransa Birinci Liqasında 26-cı turun "Monpelye" və PSJ komandalarının qarşılaşdığı oyun başa çatıb.
"Report"un məlumatına görə, oyun “Stad de la Mosson”da (Monpelye, Fransa) baş tutub.
Görüşdə qonaqlar 6:2 hesabı ilə qalib gəlib.
Matçın 14-cü dəqiqəsində Kilian Mbappenin ötürməsindən qolu PSJ-nin yarımmüdafiəçisi Vitinya hesabı açıb. 22-ci dəqiqədə fransalı hücumçunun özü həmyerlisi Randal Kolo Muaninin ötürməsi ilə fərqlənib. Bundan 8 dəqiqə sonra hücumçu Arno Norden meydan sahiblərinin hesabdakı fərqini azaldıb, 45+2-ci dəqiqədə Teji Savanye penaltidən hesabı bərabərləşdirib.
50-ci dəqiqədə Mbappe dubla imza atıb. Üç dəqiqə sonra PSJ-nin yarımmüdafiəçisi Li Kan İn Kolo Muaninin ötürməsi ilə qonaqların hesabdakı üstünlüyünü artırıb. 63-cü dəqiqədə Mbappe het-trik edib. Matçın 86-cı dəqiqəsində qarşılaşmada son nöqtəni parisli Nuno Mendeş qoyub.
PSJ 2023/2024 mövsümündə Birinci Liqada turnir cədvəlində birinci yerdədir. Komanda 26 oyunda 59 xal toplayıb. "Monpelye" 26 xalla 14-cü yerdədir.
