PSJ Mbappeyə əvəzləyici tapıb
https://mail.qelebe.az//uploads/photo/psj-mbappeye-evezleyici-tapib.webp
Fransanın PSJ klubu hücumçusu Kilian Mbappenin “Real Madrid”ə keçəcəyi təqdirdə onun yerinə oyunçu tapıb.
“Report” xəbər verir ki, bu barədə “Football Italia” məlumat yayıb.
“Parisli”lər Mbappe gedəcəyi təqdirdə "Milan"dan 24 yaşlı portuqaliyalı Rafael Leaunu ala bilər.
Leau 2019-cu ildən "Milan"da çıxış edir. 2021/22-ci illər mövsümündə o, komandanın heyətində İtaliya çempionu olub. Bu mövsüm portuqaliyalı A Seriyasında 20 oyun keçirib, 3 qol vurub və 7 məhsuldar ötürmə edib.
2022-ci ilin mayında mətbuat Mbappenin PSJ ilə yeni müqavilə imzaladığını yazmışdı. Eyni zamanda, digər mənbələr futbolçunun artıq “Real Madrid”lə müqaviləni təsdiqlədiyini bildirib. Nəticədə İspaniya klubuna səs-küylü transfer heç vaxt baş tutmadı. Mbappenin PSJ ilə hazırkı müqaviləsi 2024-cü ilin yayına qədərdir.
Bu mövsüm Mbappe Birinci Liqada 18 matçda iştirak edib, 20 qol vurub (beşi penaltidən) və 5 məhsuldar ötürmə edib.
