Rusiyanın daha bir tennisçisi antidopinq qaydasını pozduğu üçün cəzalanıb
https://mail.qelebe.az//uploads/photo/rusiyanin-daha-bir-tennischisi-antidopinq-qaydasini-pozdugu-uchun-cezalanib.webp
Rusiyalı tennisçi Vladislav İvanov antidopinq qaydalarını pozduğuna görə cəzalandırılıb.
"Report" TASS-a istinadən xəbər verir ki, buna 24 yaşlı idmançının dopinq testindən imtina etməsi səbəb olub.
O, 2022-ci ilin sentyabrında Beynəlxalq Tennis Federasiyasının Mərakeşdə keçirilən turnirində sidik nümunəsi verməkdən imtina edib və yarış yerindən uzaqlaşıb.
İvanov daha sonra geri qayıtsa da, qaydaları pozmaqda ittiham olunub. Tennisçi 2027-ci il dekabrın 20-dək idmandan kənarlaşdırılıb.
Son olaraq rusiyalı Darya Mişina, Yelizaveta Dyomina müvafiq olaraq testosteron və meldonium istifadəsinə görə üç illik cəza alıb.
İvanov kimi, İvan Mixaylyuk da testdən yayındığı üçün 4 il müddətinə diskvalifikasiya edilib.
