Argentina və Braziliya yığmaları məğlub olublar

Argentina və Braziliya yığmaları DÇ-2026-nın seçmə mərhələsinin Cənubi Amerika zonasının V turunda məğlub olublar.

“Report”un məlumatına görə, son dünya çempionu öz meydanında Uruqvaya, “pentakampeonlar” isə səfərdə Kolumbiyaya uduzublar.

Bu nəticələrdən sonra argentinalılar 12 xalla liderliyi qorusalar da, ikinci pillədəki Uruqvay fərqi 2 xala endirib. Kolumbiya 9 xalla üçüncü yerə yüksəlib. Hesabında 7 xal olan Braziliya isə beşinci pilləyə düşüb.

DÇ-2026, seçmə mərhələ

Cənubi Amerika zonası

V tur

Boliviya – Peru 2:0

Venesuela – Ekvador 0:0

Argentina – Uruqvay 0:2

Kolumbiya – Braziliya 2:1

Çili – Paraqvay 0:0

Xal durumu: Argentina - 12, Uruqvay - 10, Kolumbiya - 9, Venesuela - 8, Braziliya - 7, Ekvador - 5, Paraqvay - 5, Çili - 5, Boliviya - 3, Peru - 1.