Azərbaycan stolüstü tennisçiləri beynəlxalq yarışa qatılacaqlar

Azərbaycan stolüstü tennisçiləri daha bir beynəlxalq yarışa qatılacaqlar.

“Report” xəbər verir ki, oktyabrın 27-də Latviyanın paytaxtı Riqada keçiriləcək “Riga City Council's Youth Cup” turnirində 11 idmançı gücünü sınayacaq.

Millinin məşqçiləri Fərhad İsmayılov, Ramil Cəfərov və Zakir Cavadovun rəhbərliyi altında qızlar arasında Arzu Aslanova, Aylin Əsgərova, Zemfira Mikayılova, Ləman Abdulhəmidova, Banu Baytallı və Xədicə Eylazova mübarizə aparacaqlar. Oğlanların turnirinə isə Hüseyn Eylazov, Rüstəm Hacılı, Tunar Bağırov, Şakir Qədirov və Adil Əhmədzadə qatılacaqlar.

Qeyd edək ki, beynəlxalq turnirə oktyabrın 29-da yekun vurulacaq.