Goranboy Olimpiya İdman Kompleksində şəhid övladları üçün tədbirlər keçiriləcək
https://mail.qelebe.az//uploads/photo/goranboy-olimpiya-idman-kompleksinde-shehid-ovladlari-uchun-tedbirler-kechirilecek.webp
Goranboy Olimpiya İdman Kompleksində şəhid övladları üçün tədbirlər nəzərdə tutulub.
"Report"un məlumatına görə, bu barədə jurnalistlərə Goranboy Olimpiya İdman Kompleksində media-tur zamanı direktor Tural Bədəlov deyib.
T.Bədəlov kompleksin 2021-ci ildə istifadəyə verildiyini xatırladıb: "Hazırda burada 9 idman növü mövcuddur. Yaxın zamanlarda voleybolu da bu siyahıya cəlb etməyi planlaşdırırıq".
Direktor gənclərlə bağlı tədbirləri də təşkil etdiklərini vurğulayıb: "Bu yaxınlarda cüdo üzrə U-15 millisinin təlim-məşq toplanışı gerçəkləşib. Növbəti ayda isə U-18 yığmasının hazırlıq prosesi olacaq. Şəhid övladları üçün də tədbirlər nəzərdə tutulub. Hazırda bu yöndə hazırlıqlar gedir".
