Azərbaycanın 12 şahmatçısı dünya birinciliyində iştirak edəcək

Azərbaycanın 12 yeniyetmə şahmatçısı Misirdə keçiriləcək dünya birinciliyində iştirak edəcək.

“QELEBE.AZ”un Azərbaycan Şahmat Federasiyasının mətbuat xidmətinə istinadən məlumatına görə, Xaqan Əhməd, Paşam Əlizadə, Səfa Hümmətov, Atilla Orman, Məhəmməd Kazımzadə, Müslim Şirəliyev, Səadət Bəşirli, Əsnad Vəliyeva, İnci Ələkbərli, Məryəm Abbaszadə, Əsnad Baxşızadə və Mehriban Əhmədli mötəbər yarışda qüvvələrini sınayacaqlar.

8, 10 və 12 yaşadək oğlan və qızlar arasında təşkil olunacaq dünya birinciliyində Azərbaycan nümayəndə heyətinə beynəlxalq qrossmeyster Fərid Abbasov rəhbərlik edəcək.

Qeyd edək ki, 80 ölkənin təmsil olunacağı yarış oktyabrın 14-27-si aralığında baş tutacaq.