Azərbaycan millisinin sabiq baş məşqçisi Livan yığmasını çalışdıracaq

Azərbaycan millisinin sabiq baş məşqçisi Nikola Yurçeviç Livan yığmasını çalışdıracaq.

“Report”un yerli mətbuata istinadən məlumatına görə, xorvatiyalı mütəxəssis Livan Futbol Assosiasiyası ilə münasibətləri rəsmiləşdirib.

57 yaşlı məşqçi bu postda serbiyalı Aleksandr İliçi əvəz edib. Onun millidə debütü oktyabrın 12-də Podqoritsada Monteneqro ilə keçiriləcək yoldaşlıq görüşünə təsadüf edəcək.

Qeyd edək ki, Nikola Yurçeviç son dəfə 2019-cu ildə Azərbaycan yığmasını çalışdırıb.