"Gəncə" klubu argentinalı məşqçi ilə müqavilə imzalayıb

Qadın voleybolçulardan ibarət “Gəncə” klubunun məşqçilər korpusunda yeni təyinat olub.

Bölgə təmsilçisindən "Report"a verilən məlumata görə, komanda argentinalı İqnasio Aqustin İbarra ilə anlaşıb.

Mütəxəssislə birillik müqavilə imzalanıb. O baş məşqçi Sergey Çasnavitskinin rəhbərlik etdiyi məşqçilər korpusunda yer alacaq.

Qeyd edək ki, İqnasio Aqustin İbarra son olaraq Argentinanın “Circulo La-Plata” klubunda çalışıb. "Gəncə" daha əvvəl belaruslu məşqçi Vladimir Moysieviçi də heyətinə qatıb.