Azərbaycan futzal millisi bu gün dünya çempionatında ikinci oyununu keçirəcək

Azərbaycan futzal millisi bu gün dünya çempionatının elit mərhələsində ikinci oyununu keçirəcək.

“Report”un məlumatına görə, yığma Niderland ilə üz-üzə gələcək.

A qrupunun ilk görüşündə səfərdə Rumıniyaya (1:3) məğlub olan Vitali Borisovun yetirmələri bu rəqibini Bakı İdman Sarayında sınağa çəkəcəklər.

Kiprli hakimlərin idarə edəcəyi qarşılaşma saat 18:30-da start götürəcək.

Dünya çempionatı, elit mərhələ

A qrupu, II tur
20 sentyabr
18:30. Azərbaycan – Niderland
Hakimlər: Yianqos Yianqu, Nikolas Nikolau, Larisa Eleni Avramidu (Kipr).
Hakim-inspektor: Sebastian Stauiçki (Polşa).
UEFA nümayəndəsi: Avi Levi (İsrail).
Bakı İdman Sarayı

Qeyd edək ki, Niderland yığması I turda öz meydanında Qazaxıstana 0:2 hesabı ilə məğlub olub.