Triatlon üzrə Azərbaycan çempionatının mükafatlandırma mərasimi keçirilib

Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə Mingəçevirdə baş tutan triatlon üzrə Azərbaycan çempionatının mükafatlandırma mərasimi keçirilib.

“QELEBE.AZ”un Mingəçevirə ezam olunmuş əməkdaşının məlumatına görə, Kür sahilində reallaşan yarışın ardından qaliblər mükafatlarını alıblar.

Onlara medalları gənclər və idman naziri Fərid Qayıbov, Mingəçevir şəhər icra başçısı İlham İsmayılov, Azərbaycan Triatlon Federasiyasının prezidenti Fərid Fərhadzadə və digər rəsmilər təqdim ediblər.

Qeyd edək ki, 10-13 yaş oğlanlarda Nihad Quliyev, qızlarda Zəhra Cavadzadə, 14-17 yaş oğlanlarda Əli Rzazadə, qızlarda Rafa Şabanova, 18 yaşdan yuxarı kişilərdə Toğrul Məmmədli, qadınlarda Kseniya Voronina ölkə çempionu olublar.

Komanda yarışında isə Aysel Səfərova, Svetlana Yevkina, Lalə Əzizova qadınlarda, Musa Mikayılzadə, Cəfər Məmmədov və Cəlal Süleymanov kişilərdə birinci yeri tutublar.