UEFA mövsümün ən yaxşı futbolçusu və baş məşqçisi adına namizədləri müəyyənləşdirib

UEFA 2022/2023 mövsümünün ən yaxşı oyunçusu adına namizədləri açıqlayıb.

"QELEBE.AZ" qurumun rəsmi saytına istinadən xəbər verir ki, siyahıda üç oyunçunun adı göstərilib.

Bunlar İngiltərə "Mançester Siti"sindən Erlinq Holann və Kevin De Bröyne, həmçinin, Fransa PSJ-sindən ABŞ-ın "İnter Mayami" klubuna keçən Lionel Messidir.

Ən yaxşı baş məşqçi adına namizədlər isə "Mançester Siti"dən Xosep Qvardiola, İtaliya "İnter"indən Simone İnzagi və "Napoli"dən ayrılan Luçano Spallettidir.

Qeyd edək ki, qaliblər avqustun 31-də açıqlanacaq.