KİV: “Beşiktaş”ın yeni transferi “Neftçi” ilə oyunun start heyətində yer almayacaq

Türkiyənin “Beşiktaş” klubunun yeni transferi Ante Rebiç UEFA Konfrans Liqasının III təsnifat mərhələsində “Neftçi” ilə keçiriləcək ilk oyunun start heyətində yer almayacaq.

“Report” xəbər verir ki, bu barədə “Sabah” nəşri məlumat yayıb.

Kluba istinadən dərc edilən məqalədə bir neçə gün əvvəl İtaliya “Milan”ından transfer olunan serbiyalı hücumçunun bugünkü qarşılaşmada ehtiyatda oturacağı vurğulanıb. Baş məşqçi Şenol Günəş 30 yaşlı forvarda ikinci hissədə debüt etmək şansı verməyi planlaşdırır.

Qeyd edək ki, “Neftçi Arena”da keçiriləcək görüş saat 21:00-da başlayacaq.