Çempionlar Liqası: Mahir Emrelinin komandası "Astana"nı darmadağın edib - YENİLƏNİB

UEFA Çempionlar Liqasında II təsnifat mərhələsinin ilk oyunları çərçivəsində daha iki oyun keçirilib.

"Report"un məlumatına görə, Azərbaycan millisinin hücumçusu Mahir Emrelinin çıxış etdiyi Zaqreb "Dinamo"su Xorvatiyada Qazaxıstan "Astana"sını sınağa çəkib. Görüş meydan sahiblərinin 4:0 hesablı qələbəsi ilə başa çatıb.

Matça ehtiyatda başlayan Emreli 80-ci dəqiqədə Bruno Petkoviçin əvəzinə meydana daxil olub.

Bu görüşlə eyni saatda start götürən digər qarşılaşmada isə Yunanıstan "Panatinaikos"u səfərdə Ukraynanın "Dnepr-1" komandasını 3:1 hesabı ilə məğlub edib.

UEFA Çempionlar Liqası
II təsnifat mərhələsi, ilk oyunlar
25 iyul

20:00. "Jalgiris" (Litva) - "Qalatasaray" (Türkiyə) - 2:2
Qollar: Matias Oyevusi, 48. Donatas Kazlauskas, 90+2 - Abdülkerim Bardakcı, 75. Halil Dervişoğlu, 78
Qırmızı vərəqə: Donatas Kazlauskas ("Jalgiris"), 90+2

20:00. HİK (Finlandiya) - "Molde" (Norveç) - 1:0
Qol: Topi Keskinyen, 25

22:00. "Dinamo" (Zaqreb, Xorvatiya) - "Astana" (Qazaxıstan) - 4:0
Qollar: Bruno Petkoviç, 36. Luka İvanuşets, 41; 43; 56

22:00. "Dnepr-1" (Ukrayna) - "Panatinaikos" (Yunanıstan) - 1-3
Qollar: Aleksandr Kapilenko, 90 - Andras Sporar, 10. Filip Dyuriçiç, 74. Fotis Yoannidis, 84.

UEFA Çempionlar Liqasında II təsnifat mərhələsinə start verilib.

"Report"un məlumatına görə, bu günə nəzərdə tutulan 7 qarşılaşmadan 2-si artıq başa çatıb.

Türkiyə çempionu "Qalatasaray" Litvada "Jalgiris"lə məhsuldar heç-heçə edib - 2:2.

Hesabı 48-ci dəqiqədə meydan sahiblərindən Matias Oyevusi açıb. 75-ci dəqiqədə İstanbul təmsilçisinin müdafiəçisi Abdülkerim Bardakcı tarazlığı bərpa edib. Cəmi 3 dəqiqə sonra Halil Dervişoğlu qonaqları hesabda önə keçirib. Son nöqtəni isə 90+2-ci dəqiqədə Donatas Kazlauskas qoyub.

Digər oyunda isə HİK Finlandiyada Norveç "Molde"sini minimal hesabla məğlub edib. Yeganə qolu 25-ci dəqiqədə Topi Keskinyen vurub.

UEFA Çempionlar Liqası
II təsnifat mərhələsi, ilk oyunlar
25 iyul

20:00. "Jalgiris" (Litva) - "Qalatasaray" (Türkiyə) - 2:2
Qollar: Matias Oyevusi, 48. Donatas Kazlauskas, 90+2 - Abdülkerim Bardakcı, 75. Halil Dervişoğlu, 78
Qırmızı vərəqə: Donatas Kazlauskas ("Jalgiris"), 90+2

20:00. HİK (Finlandiya) - "Molde" (Norveç) - 1:0
Qol: Topi Keskinyen, 25