UEFA Avropa Liqası: "Qarabağ" Mahir Emrelinin komandasına rəqib ola bilər

"Qarabağ"ın UEFA Avropa Liqasının III təsnifat mərhələsindəki potensial rəqiblərinin sayı azalıb.

"QELEBE.AZ"un məlumatına görə, "köhlən atlar" Çempionlar Liqasının II raundunda Polşanın "Rakuv" komandasına uduzacağı təqdirdə qitənin ikinci dərəcəli klub turnirində 4 cütün məğlubundan biri ilə üz-üzə gələcək.

Bunlar "Luduqorets" (Bolqarıstan) - "Olimpiya" (Sloveniya), "Aris" (Kipr) - BATE (Belarus), "Şerif" (Moldova) - "Makkabi" (Hayfa, İsrail) və "Dinamo" (Zaqreb, Xorvatiya) - "Astana" (Qazaxıstan) cütləridir.

Qeyd edək ki, UEFA Avropa Liqasında III təsnifat mərhələsinin oyunları 10-17 avqustda baş tutacaq. Püşkatma mərasimi bu gün Bakı vaxtı ilə saat 14:00-da start götürəcək.