"Yuventus" Lukakunun transferi üçün "Çelsi" ilə anlaşıb
https://mail.qelebe.az//uploads/photo/yuventus-lukakunun-transferi-uchun-chelsi-ile-anlashib.webp
İtaliyanın "Yuventus" klubu heyətini yeni futbolçu ilə gücləndirir.
"QELEBE.AZ" “Corriere dello Sport”a istinadən xəbər verir ki, Turin təmsilçisi Romelu Lukakunun transferi üçün İngiltərə "Çelsi"si ilə razılıq əldə edib.
"Qoca sinyora" 30 yaşlı hücumçu üçün 40 milyon avro ödəyəcək. "Yuventus" belçikalı forvardla 3 illik müqavilə imzalayacaq.
Qeyd edək ki, Romelu Lukaku ötən mövsüm icarə əsasında İtaliyanın "İnter" komandasında çıxış edib. O, 37 oyunda 14 qol və 7 məhsuldar ötürmə ilə yadda qalıb.
