"Bavariya" ingiltərəli hücumçu üçün 100 milyon avro ödəməyə hazırdır

İngiltərə millisinin və "Tottenhem" klubunun futbolçusu Harri Keyn karyerasını Almaniya "Bavariya"sında davam etdirə bilər.

"Report" "Lequipe" nəşrinə istinadən xəbər verir ki, Münhen təmsilçisi 30 yaşlı hücumçu üçün London klubuna üçüncü dəfə təklif göndərəcək.

Ölkə çempionu Keyni almaqdan ötrü 90-95 milyon avro təklif edəcək. Hətta "Bavariya"nın 100 milyon avro da ödəməyə hazır olduğu bildirilib.

Qeyd edək ki, daha əvvəl "Tottenhem" bu transfer üçün 70 və 80 milyonu qəbul etməyib.