"Linkoln"un futbolçusu: "Qarabağ"la oyunda yaxşı nəticə üçün əlimizdən gələni edəcəyik"
https://mail.qelebe.az//uploads/photo/linkolnun-futbolchusu-qarabagla-oyunda-yaxshi-netice-uchun-elimizden-geleni-edeceyik.webp
"Sabahkı oyunda yaxşı nəticə qazanmaq üçün əlimizdən gələni edəcəyik".
"Report"un məlumatına görə, bunu "Linkoln"un futbolçusu Liam Uoker Cəbəllütariqdə "Qarabağ"a qarşı keçirəcəkləri UEFA Çempionlar Liqasının I təsnifat mərhələsinin ilk oyunu barədə klubun rəsmi yutub kanalına açıqlamasında deyib.
35 yaşlı yarımmüdafiəçi meydanda sonadək mübarizə aparacaqlarını bildirib: "Matça yaxşı hazırlaşmışıq. Komandada əhval-ruhiyyə yüksəkdir. Nə bacarırıqsa, onu da edəcəyik. Məncə, şanslar bərabərdir. Hər iki komanda qələbə qazanmağa çalışacağıq".
Qeyd edək ki, iyulun 11-də "Viktoriya" stadionunda keçiriləcək "Linkoln" - "Qarabağ" matçı Bakı vaxtı ilə saat 19:30-da başlayacaq.
