UEFA AVRO-2024-ün maskotunu təqdim edib
https://mail.qelebe.az//uploads/photo/uefa-avro-2024-un-maskotunu-teqdim-edib.webp
UEFA 2024-cü ildə Almaniyada keçiriləcək futbol üzrə Avropa çempionatının rəsmi maskotunu təqdim edib.
“Report” qitə futbol qurumunun rəsmi saytına istinadən xəbər verir ki, oyuncaq ayı olan talisman ilk dəfə Gelzenkirxendəki ibtidai məktəblərdən birində təqdim olunub.
Növbəti iki həftə ərzində UEFA-nın saytında yeni maskotun adı ilə bağlı azarkeşlər arasında səsvermə keçiriləcək.
Qeyd edək ki, AVRO-2024 gələn il iyunun 14-dən iyulun 14-dək Almaniyanın 10 şəhərində təşkil olunacaq. Turnirin qrup mərhələsində 24 komanda mübarizə aparacaq.
